《叱咤》組合銀獎Supper Moment 「Eason攞獎全場靜晒！」(FACE 2014-01-08)

陳奕迅十年霸、容祖兒九年霸，當一個頒獎典禮兩大獎項都冇得爭，難怪連觀眾都見悶，你估十年都例牌上幾次台囊括所有大獎嘅Eason又係咩感受，又難怪佢失準hea爆難捉摸嘅！

踢走Mr.、Dear Jane，成為年度唯一攞《叱咤》獎嘅本地樂隊、出道四年嘅組合銀獎得主Supper Moment都話唔怪得Eason：「點解台下可以鴉雀無聲？」

第四年去《叱咤》，上年都冇獎，以為今年都係坐成晚，仲要係當晚唯一一隊有獎攞嘅樂隊。做音樂嘅好多人都會將目標set做頒獎禮，我哋唔係孤芳自賞、唔係嗰種唔使你哋俗世肯定，呢個bonus對我哋有一定意義。但係一個獎，代表舊年我哋有一首歌成績唔錯啫，我唔明點解咁多人同我哋講：「喂！香港樂隊巔峰就係咁喇！以後香港樂壇band壇靠晒你哋喇！」

樂壇唔係一個地方、一間屋，我哋今年有一首歌唔錯啫，一隊樂隊憑咩撐得起成個樂壇呢？今年真係有啲欷歔，唔係自己攞獎，反而係陳奕迅上台時，點解台下可以鴉雀無聲？

陳奕迅攞獎冇問題、陳奕迅攞咗十年獎都冇問題、平心而論個獎的確係要畀佢……問題係，香港頒獎禮變得公式化，呢個獎係唔係良性競爭產生呢？重點唔係陳奕迅有問題，係大家有問題，香港人好鍾意將對樂壇寄望擺晒喺陳奕迅身上，唔通淨係陳奕迅一個搵到錢，搵完分啲畀大家咩？

樂壇變成咁、頒獎禮變得公式化，係唔係就要接受「係咁o架喇」呢？好多人對於band、對於搖滾，都淨係識得嗌口號、做手勢，有啲連個手勢都做錯添！學似《掃毒》嘅劉青雲話齋：「你可以嬲，但係唔好怨！」我哋都嬲，但係有做嘢。音樂係文化，媒體需要推廣文化，聽眾都需要渴求文化，唔信你去google吓，香港有好多樂隊、香港有好多live house需要觀眾、香港都有已經做咗十年嘅沙灘音樂節，呢個世界其實好大o架！鬧，不如放下偏見，試吓去聽啦！

叱咤五奇五悶 (節錄) (蘋果日報 2014-01-03)

5.Supper Moment奇入圍我最喜愛歌曲五強

低人氣樂隊Supper Moment《無盡》竟打入五強，越級挑戰Eason《任我行》爭獎，最後Supper Moment以942票輸給獲2,405票的Eason。

叱咤 >25 (節錄) (東Touch 2013-12-10)

Supper Moment

我哋自己去的第一年，應該是11年1月1日，雖然甚麼都沒發生，但第一次參加都好緊張。本來諗住攞男歌手，點知俾林峯攞咗！（林峯無囉呀）攞咗亞太區囉。不過講真，平時只能有螢幕上見到的歌手都見到真人，感覺好好奇、好難忘。

IVANA X SUPPER MOMENT A Winter of Inspiration (東Touch 2013-11-26)

在寒冷的冬天，除了要穿得暖，其實也要穿得有創意。創意是美好生活的基本，尤其是香港人，不會接受每人都穿得一式一樣。UNIQLO多年一直以相宜的售價、高品質及豐富顏色，提供優質的休閒服飾來豐富大家的生活，例如今年重點的Ultra Light Down、HEATTECH、Fleece、Warm Easy Pants和Leggings Pants，讓我們可以發揮創意，配搭出最unique的造型。每時每刻都在創作的王菀之和Supper Moment分享了他們的創作經驗，發覺衣服配襯的流程其實跟藝術創作是異曲同工的。

Text Raymond Photo Tony Assisted by FrankieStyling Edmund Makeup Milk Yuen（Ivana） Hair Kate Shek@Hair Culture（Ivana） art kenken info by WWW.UNIQLO.COM

Supper Moment 夢想無盡 (新Monday 2013-11-08)

睇Supper Moment演唱會，係筆者今年最期待嘅1場表演，沒有之一。

記得第1次聽Supper Moment，係由佢哋首張大碟《再次心跳》聽起，聽住〈點滴〉充滿活力嘅intro、〈Dance In The Rain〉中CK嘅bass slapping，已經深深愛上，整張專輯歌曲編排得好好，由日出嘅〈點滴〉到日落嘅〈Goodnight City〉，以歌曲形容城市百態。Supper Moment重有樣魅力，就係感性，比起賣技術，佢哋更着重歌曲所表達嘅意思，從〈尋回一碗湯〉中，叫人珍惜與家人食飯嘅機會，到努力堅持夢想嘅新歌〈無盡〉，聽完內心不斷共鳴着。

今年4名小伙子，終於踏上九展Star Hall大舞台，獲得3,000名真金白銀買飛支持嘅觀眾，而佢哋對住音樂，面上仍流露着傻勁、快樂。

政治作影像

寫呢篇稿嘅同時，剛得知Supper Moment憑着〈機械人〉奪得CASH金帆音樂獎「最佳樂隊演繹」獎。近幾年呢個獎都係RubberBand與Mr.相爭，今年終於有新境況，攞獎唔再分主流或非主流，就算冇簽大公司，有實力一定有人欣賞，我撐Supper Moment可以再接再厲，喺叱咤頒獎禮再下一城。

講番演唱會當晚，樂迷們好早已經嚟到現場購買紀念品，比起11年「再次心跳演唱會」，今年Supper Moment喺影像上落足工夫，開首以舊香港演變到新香港，繼而到國教風波、免費電視牌照事件等片段，宣示對社會嘅不滿，引起全場起哄，皆因一般演唱會都較少掂政治題材。

不過，筆者留意到Supper Moment好鍾意用人哋嘅歌mix埋自己嘅歌，如前年「再次心跳演唱會」中，就用五月天嘅〈溫柔〉mix〈P.S I Love You〉，今年就係Eason嘅〈最佳損友〉mix〈小伙子〉。

Supper CD你儲齊未都算係樂迷嘅筆者，竟然都未儲齊佢哋嘅碟，真係感覺有啲羞愧。頭2隻EP《等等?》同《旅程》已經斷市，記得有次問Supper，佢哋話自己都冇存貨，所以演唱會其中1份紀念品就係將呢2張EP結合，都只係賣$100，不過筆者遲到買唔到，真係喊咗出嚟。

抓緊夢想

「人生有限，但追求夢想嘅力度，永遠係無盡。」全晚主音Sunny講咗好多關於追尋夢想嘅金句，呢句筆者好想節錄俾大家，因為真係好感動。

由Supper Moment前身樂隊Lunch Box走到今時今日，歌曲〈無盡〉奪得各電台榜首，踏上面對3,000人嘅舞台，呢個成績得來不易。Sunny喺台上講：「今年好多人都睇好我哋攞獎，我哋唔係話唔開心，但我開心嘅係，呢幾年大家都肯去行多步，了解香港樂隊，而且整個香港都有個健康嘅音樂圈子。」〈無盡〉係佢哋用一路以來嘅點滴所寫成嘅歌，少啲經歷都寫唔出，節錄一句歌詞「仍然倔強冒險一一去征討」，係代表Supper Moment做音樂嘅態度，亦代表我哋每個人，都要抓緊我哋嘅夢想，就算幾困難，只要感動過、燦爛過，就並不枉過。

text - Joel photo - Kenny design - fanny

帶着熱情 帶着共鳴 PICK (東Touch 2013-11-05)

Supper Moment上星期的《世界變了樣演唱會2013》，很多感觸。3,000多人的StarHall，幾乎企滿，以一隊出道4年的band仔來說，飲得杯落啦！喂， 3,000幾個真金白銀買飛入場觀眾喎，你去睇紅館騷12,000個位，現在7成都留了給sponsors，實際拿出來賣頂盡得3,000幾個，其實講人數唔差得遠。近年最成功獨立樂隊，係佢哋啦！

textRaymond PhotoDevil artfan

大人的音樂

筆者不是Supper Moment的長期fans，我是從2012年才開始認真聽，其實他們初出道時有同事介紹過我聽，記憶中是〈最後晚餐〉。可惜當時唔識貨，覺得好小朋友音樂，放低了沒聽下去，原來錯過了一隊強band的誕生。我相信上星期演唱會每個觀眾都有一個開始聽Supper Moment的special moment，我的moment是反國教晚會，聽到他們的〈Wake up City〉驚為天人。如箭在弦的時候，聽到「今天要冷靜和勇敢 別做啞巴」，人會醒一醒，對呢，帶頭的學生都冷靜勇敢，反而大人會衝動懦弱，那一刻覺得這隊樂隊把事情看得很透徹，沒有胡亂煽動情緒，跟社會很靠近。很高興Supper Moment在演唱會中又唱了這首歌（而不是出碟的版本〈Goodnight City〉），全場人開了手機燈，彷彿又回到了那些熱血的晚上。這首歌以後，我完全改觀了，從小朋友音樂一躍成良心音樂，然後經歷了〈懂得快樂〉、〈小伙子〉、〈無盡〉的洗禮，再跳級成中佬滄桑音樂。大佬，「人忘掉了歡笑 知覺 不再懂得快樂」喎，「現實裏裝英勇難避免 成為了不懂哭也不想笑的一個漢子」喎，「開始裹足停留 開始習慣體諒」喎！在社會打滾的香港人，誰沒共鳴？有點閱歷的人，夜闌人靜，聽到感觸落淚，其實唔難。

成長的荷爾蒙

另外又發現演唱會中有為數不少的應該是中學、大學生fans，很投入的一群。有點好奇，Supper Moment既不高大，又不靚仔，Sunny個樣是梁焯滿＋少爺占混合體，有何吸引？既然不是因為樣，就是歌了。香港充滿了各式獨特性格的樂隊，但除了Beyond以外，基本上難以找到一隊能夠在身邊陪你一起成長，像台灣五月天一樣的樂隊。Supper Moment絕對勝任這角色，比起聽眾的愛情煩惱，他們更關心聽眾的健康成長，會哄你回家飲湯，鼓勵你追求夢想，甚至教你分辨善惡，當成長的階段有一隊這樣的樂隊，就像Beyond一樣，會喜歡一世的。在演唱會中Sunny說了很多話，像「捉緊夢想、不要放棄」那類傳教式口號，記不清了，總之都很正面和鼓舞人心，老實說在我這年紀聽來有點肉麻，但看到觀眾受落也很安慰，畢竟看到Supper Moment用盡了每個機會、每首作品去灌輸他們的想法，你能不感動嗎？

Clockenflap 音樂．草地．海景 (節錄) (JET 2013-11-01)

Supper Moment

（2011年參演樂隊）

Clockenflap這個音樂節在你心目中有甚麼特色？

Clockenflap發展至今年，已成為形象上比較有外國特色的音樂節，每年都有很多外國來的樂隊，亦以外國勁旅作每晚的壓軸主題樂隊，觀眾群中亦有較多外國人士，是多個本地音樂節中比較像外國音樂嘉年華式音樂節的一個。

2011年你們於Clockenflap演出，有甚麼感受？

那次音樂節對我們很有價值，因為在此之前我們在外地參與過幾個大型的音樂節，一直希望香港可以有一些本土的音樂節，尤其是大型和戶外的。2011年的Clockenflap可以說是香港近年來大型戶外音樂節的先行者之一。那一次我們站上舞台表演時，感覺特別親切，特別感動！

以樂隊的角度看，香港需要怎樣的音樂節？

首先希望音樂節主辦單位能提供最專業的音響及舞台器材，這是優質表演的第一步，有了這樣的配合，樂隊才可以安心表演，發揮最好的表現。之後當然是流程安排，因為音樂節中通常都有很多表演單位，良好的時間安排相當重要；再配合好的宣傳，相信這樣的一個音樂節已經相當成功！當然，最重要的一點就要觀眾的熱情投入及尊重，這樣才可以令更多好音樂在這遍「文化赤土」上茁壯成長，真正的讓音樂節成為一種文化！

OUR FUTURE －SUPPER MOMENT (東Touch 2013-10-22)

Supper Moment將於10月30日在Starhall舉行《世界變了樣》演唱會。世界變了樣，很有意思的前置，他們的新歌〈無盡〉將畫面寫得很清晰。「最後連自己都相信 勇氣不再熱血結霜」、「太多太多構思踫壁 太多太多理想壓抑」、「或許到最後沒有完美句號 仍然倔強冒險一一去征討」，世界變了樣，未來不明朗，仍要樂觀面對，寫得慷慨激昂，難怪被喻為是song of the year。確實，未來是個謎，世界變得好差，好差啊！差到要大嗌！舉例，未來的supper moment，我們的晚餐，吃甚麼？先不論各式各樣黑心食物，今天基因改造猖獗，延續到將來也許每一口食物都是異類；停不下來的核電廠，會不會一個接一個爆炸？污染了的地和水，也許連天然食物也消失。可能將來一頓豐盛的晚餐，只能吃些人工奶類食品，加點營養膠囊，就此而已。非常的悲觀，但若懷着Supper Moment的精神，至少能「人生夢一場革命至蒼老」。

text Raymond／photo Devil assisted by 梓祈／hair The Luxe makeup Hidy@CommonStudio／wardrobe DA ACE、i.teyewear Visual Culture／cup set & radioLEXON／art tna

銀礦灣沙灘音樂節2013 迎浪Chill out (新Monday 2013-10-2x)

迎海風聽音樂，並唔係台灣獨有專利，人哋有墾丁，香港亦有梅窩，舉行咗8年嘅「銀礦灣沙灘音樂節2013」（Silvermine Bay Music Festival，SMF），近年已經成為音樂文化界年度盛事，今年更有超過40支本地同海外樂隊參加，觀眾人數增至2萬5千人。

經過一連3日嘅音樂節，發現香港人都唔係只識行街shopping，觀眾群裏有老有少、有本地音樂支持者，亦有喜愛非洲音樂嘅朋友，原來香港都有可愛一面。

不過喺開幕禮當日（12/10），有出席嘅政府官員話，未來港珠澳大橋開通，政府要積極發揮大嶼山旅遊業嘅潛力。筆者聽完真心嬲，大嶼山明明係個遠離煩囂嘅好去處，又發展？想變做另1條廣東道？

我們的主題曲 COME ON HONG KONG (星島日報 2013-10-15)

看到鄭俊弘在《星夢傳奇》高唱一追再追，相信不少歌迷早已「K癮」大起。難得大球場今晚熱播港足打氣歌MV《Come On Hong Kong》，球迷不妨入場跟着主唱Supper Moment的指引狂唱一番？

記者 、攝影︰吳家祺