Kolor 空間反而更闊
對於政府抹殺香港獨立樂隊，Kolor有唔同睇法。Michael：「睇事又唔可以單方面咁睇，所講的Hidden Agenda、蒲窩只係個別事件。事實上，而家出騷已經有好多途徑，例如今次的大學巡迴唱、商場，甚至未諗過的地方都有，好似annual dinner、beer festival等，所以我唔認為場地係減少了。之前喺演藝學院出面有個叫『開放音樂』的免費活動，我哋都表演過，除咗Rock的音樂，亦有好多民族音樂，所以界限相反係闊咗，所以我唔認同香港樂隊冇地方生存。」
談吐之間，我感受到Kolor 4子的傲氣，認為本地獨立音樂在香港樂壇已佔一席位。
Michael：「而家媒體的主導權已經由網上主導，隨住科技發達，而家每人都擁有1部Smartphone，變相大家接觸資訊已經方便了，唔同以前只靠主流電台、報章雜誌。正因為以前樂迷得到的資訊只靠某幾間主流媒體的宣傳，逐漸就會感到厭惡，就好似叫你日日食公司樓下的燒味飯都頂唔順啦！」
假如壽命只剩1日，你會？
Sammy笑言：「反正都得番1日時間，點都要死㗎啦！一係喪打劫，做啲未做過的事，唔通日日以淚洗面咩？其實如果全世界一齊死的話，成件事重浪漫啦！因為死亡最怕都係生離死別啫！」Sammy繼續話：「到時反而窮人重快樂，望住班有錢佬講：『今次你重唔死！』」
其實年年都傳世界末日，但最後發覺全是人類自己所製造的恐慌，與其擔心數千萬年後的事，不如擔心一下我們香港日後核心價值會變成點。
唔好睇小自己 Supper Moment
記者問到主音Sunny，音樂會主題為「末日與理想」，現時好多後生仔對自己理想都表現得好模糊或徬徨，今次有咩訊息帶俾呢班90後聽眾？呢位看似細路，但談吐卻有紋有路的主音表示：「而家的後生仔唔識解決問題，往往就向負面方向去睇，其實困難另一面就係對自己的試煉，然後推動你做得更好。」有句令我聽完後，有好深感受：「一定唔可以睇小自己，抱住唔計較心態，一步一步就能達到目標，就好似今年好多樂隊能夠在台上發光發熱，並唔係偶然的事，而係每個都本着同一個心，唔計較去做同一件事，先有今日的成果。」
樂隊的末日?
最近Hidden Agenda（工廈表演場地）被警方掃場，天台band騷又警方嚴打，雖然有可能係表演者的問題，但政府給予live house的空間大家有目共睹，正如鼓手阿達所講：「既然政府講到工廠live house咁灰色，點解唔立法？你肯租俾骨灰龕，為佢立法，但點解你又唔幫下工廠的live house？上星期先喺台灣Legacy（表演場地）表演過的Supper Moment，對於當地看重本土音樂文化讚不絕口：「Legacy其實算係個講緊俾孫燕姿、蘇打綠表演的大場，但閒日又會容許某些只有十多位觀眾的樂團表演，而最欣賞是無論你出名與否，佢哋都會提出最專業的音響、screen。所以希望香港真係會慢慢重視呢樣文化。」不過正如之前所講，惟有循序漸進地進行，像普選特首都並非一朝一夕的事？
點睇「末日與夢想」演唱會
頭炮演出的盧凱彤已經在中文大學完成第一場，如果想贏得以下3場的門票，請即上Goyeah.com facebook專頁睇詳情，因為02/04就到Kolor出場。
第二場：Kolor日期：4月2日地點：香港教育學院
第三場 ：恭碩良日期：4月11日 地點：香港城市大學
第四場 ：Supper Moment日期：4月12日 地點：香港科技大學
>text：Joel >photo：靜儀（Supper Moment）、Greakson（Kolor）>design：劉文鋒
沒有留言:
張貼留言