有人喜歡去紅館睇騷，貪佢夠大夠坐得多人夠氣氛；但亦有人鍾意細細哋嘅live house，雖然有點逼，但同歌者零距離，音樂的質感都仿佛變得更細緻。最近騰訊微博便靜靜地起革命，把這種live house文化帶到我們生活之中。他們上星期四晚8點便舉辦了《騰訊微距Live 001Gig》，請來20位fans同Supper Moment 4子互動聽歌玩遊戲，supper moment listen to Supper Moment，幾enjoy。
text iris photo Pang art fan
炒熱氣氛正當工廈live house被人趕盡殺絕，騰訊這次出手真的拯救了不少想近距離聽歌的樂迷。頭炮找來Supper Moment，他們快慢歌兼備，加上懂得搞氣氛（就是不停講爛gag），唱完第一首歌〈話別空氣〉，不少原本掩面入場的fans已經開放懷抱，大聲拍手叫好。再來一首主音Sunny送給婆婆的〈白雲說〉，有歌迷表示這是她們第一次聽這首歌的live，感覺跟聽CD好唔同，可見Supper Moment唱現場依然有水準。
勇敢歌迷除了唱歌，Supper Moment今次還跟fans玩微信遊戲，而本來的中獎者竟是筆者！但fans才是今晚的主角嘛，所以最後Supper Moment親手繪製的布袋，就落入全場唯一男粉絲手中。最後4位成員以〈小伙子〉為今晚作結，以為可以拎袋走？豈知Supper Moment說又要再送禮物給fans，為配合新碟「成長」主題，Sunny邀請一位歌迷上台，同大家講一個正在面對的困難。雖然台下妹妹好怕羞，但終於有位歌迷勇敢企出來，原來她已患了抑鬱症幾年，本來好怕其他人知，但現在已克服了心魔，更積極地面對人生！聽落是不是有點似宗教分享活動？的確，好音樂都可以導人向善㗎。如果想睇返當日片段，請上t.qq.com/qstudiohk!
沒有留言:
張貼留言